1493 hits

O punto limpo de Melide -sito no parque empresarial da Madanela- comenzou a funcionar este mércores 16 de setembro. Unha gran nova para os veciños e sobretodo para o Medio Ambiente. A obra, que contou cun presuposto de execución de 180.000 euros, foi financiada ao cento por cento pola Xunta de Galicia, a petición do Concello de Melide.
Horarios e servizos no punto limpo
Ademais dos contedores habituais de papel, envases e vidro, disporanse tamén recipientes para a recollida de baterías de automóbiles, aceites vexetais, terras e cascallos procedentes de obra menor, restos de podas, disolventes ou residuos voluminosos como mobles, electrodomésticos ou colchóns para os que habitualmente é máis difícil atopar saída.
A fin de facilitar o maior servizo posible, o Concello de Melide manterá aberto o punto limpo os luns, mércores e sábados pola mañá de 10 a 14 horas, e os martes e venres polas tardes, de 16 a 20 horas.
Fonte concello de Melide